Белозерская таможенная грамота (21 мая 1497 г.)

Белозерская таможенная грамота (21 мая 1497 г.)

Белозерская таможенная грамота 1497 г. – первая дошедшая до нас таможенная грамота. Как сборник норм административно-финансового и гражданского права она существенно дополняла Судебник 1497 г. и послужила образцом для других таможенных грамот.

Развитие товарно-денежных отношений, усиление обмена между отдельными частями территории и между городским ремеслом и сельским хозяйством настоятельно требовали правовой регламентации, издания таких нормативных актов, которые всецело посвящены были бы гражданско-правовым и связанным с ними административно-правовым вопросам. Эту задачу и выполняли таможенные грамоты.

…2. Хто привезет городцкои человек белозерець, и окологородець, и изо всех волостей белозерьских товар свои, и таможенником у них имати со всякого товару с рубля по полудензе, да у них же имати с саней, что привезут свою рухлядь, по полудензе за церковную пошлину, что емлют на Москве.

3. А которой белозерец городцкои человек купит себе на лавку мед, или икру, или рыбу, и им имати у них с рубля по полудензе порядного.

4. А купит себе на лавку белозерець городцкои человек мех соли, или рогозину соли, или пошев соли, или бочку рыбы, или кадь рыбы, или бочку селдеи, и им со всею того с одного имати у них по полудензе.

5. А хто мясо привезет на санех городцкои человек белозерець, и окологородець, и изо всех волостей белозерских, и им у них имати с стяга по полудензе.

6. А кто коровы пригонит, и им имати с коровы по полу ж дензе, а десять полотстяг мяса, дватцать гусей-стяг же мяса, тритцать поросят-стяг же мяса, тритцать утят-стяг же мяса, десять боранов-стяг же мяса, тритцать сыров-стяг же мяса, дватцать заицов-стяг же мяса.

7. А привезет хто белозерець городцкои человек, и окологородець, и изо всех волостей белозерьских лен, лук, чеснок, орехи, аблока, мак, золу, деготь, и им у них имати с воза и с саней по дензе. А повезет з Белаозера белозерець городцкои человек, и окологородець, и изо всех волостей белозерьских бочку рыбы, или кадь рыбы, или мех соли, или рогожу соли, или пошев соли, и им у них имати со всею с того по полудензе.

8. А с служилого человека, котори поедет бес товару, и с того пошлины не имати. А хто служилои человек поедет, а имет каким товаром торговати, ино с того имати тамга и все пошлины по тому ж, как и с торгового человека.

…11. А всем торговцем белозерьцом, городцким людем и окологородным, и изо всех волостей белозерьских, и изо всее Московские земли, и из Тферьские земли, и из Новогородцкие земли Великого Новагорода являти товар свои таможником, не складывая с воза и из судна. А не явя таможником, сложит товар свои с воза и из судна, и он то протамжил, ино товар его ему назад. А будет того товару на два рубля или колко ни буди боле дву рублев, ино с него протамги два рубля, рубль намеснику, а рубль таможником. А хто протамжит своего товару на рубль, ино товар его ему назад, а с него протаможья тритцать алтын без гривны, четыре гривны намеснику а четыре гривны таможником. А хто протамжит своего товару боле рубля, а менши дву рублев, или менши рубля, ино товар его ему назад, а с нею протаможье имати намеснику и таможником по тому ж по розчету, как емлют протаможье, по колку с рубля.

…13. А белозерець городцкои человек на Белеозере в городе купит товар или продасть, ино с него тамги не имати. А продастъ или купит судно городцкои человек белозерець и около-городець и изо всех волостей белозерьских, и им у них имати тамга, как у них и с много товару емлют, с рубля по полудензе.

14. А с москвитина, и изо всех городов московских, и из вотчины братаничев великого князя, и из всее Московские земли, и из Тверьские земли, и из Новогородцкие земли со всех с тех имати тамга по старине с рубля по алтыну, да у всех же у тех имати с саней по полудензе, а церковную пошлину и за гостиное, что емлют на Москве.

…16. А придет хто с товаром на судне из Московские земли, и из Тферьские земли, и из Новогородцкие земли, и колко у него будет людей на судне, и им у них имати со всех с тех з головы по дензе. А хто приедет из Московские земли, и из Тверьские земли, и из Новогородцкие земли, и изо всех монастырей Московские земли, и из Тверские, и из Новогородцкие, и из белозерьских монастырей, не Кирилова, и из Фарафонтьева, и изо всех белозерьских монастырей, всем им всяким говором и житом торговати в городе на Белеозере, а за озеро всем им торговати не ездити. А по волостем им по монастырем не торговати ни житом, ни всяким товаром, опроче одные белозерьские волости Углы. А на Угле быти торгу по старине; а тамга имати у них но тому ж, как емлют на Белеозере в городе.

17. А городцким людем белозерием и посажаном за озеро ездити по старине торговати.

А имати им тамга или церковная пошлина и пятно с великою князя селчян, и с великие княгини селчян, и с митрополичих, и с княжих, и со владычных, и с манастырьских, и з боярьских, и з грамотников, и со всех без оминки, чей бы хто ни был.

Российское законодательство X–XX вв. Т. 2. М., 1984.

С. 200–203.